Verhalen/gedichten van
Vriezenveen ('t Vjenne)

Äs alle beume wier verkleurt,
met rood en gjal 'n haaifst opfleurt,
äs mòngs de zunne helder schiént,
mär achter wolken wier vedwiént,
dòn is 't november.

Äs 't buten wier zo bläuwst'rig is,
'n barometer storm òn-wis,
de weend oe in 't gezichte blas,
ä’j deipe vótkroept in oenen jas,
dòn is 't november.

Äs iederen boom verlös zien blad,
'n raeng'n tiêng de roeten slat,
äs mist wier waa de wäiden hoank,
de daege wordt wier meender loank,
dòn is 't november.

Äs 't in 'n nacht 'n paar groad vrös,
ne witten waas lig waver 't grös
dòn koomp de köulte hier op òn,
wie trekt de weenterkleer wier òn,
wònt 't is november.

Jo Stegeman-Smelt
Vjenne