Verhalen/gedichten van
Diepenheim (Depen)

Mag geern wat van de wereld zeen
Aait puf um vot te goan
Zo heb ik in tweedoezend één
Op nun Twin Tower estoan
De roes nit te beschriem’n
New York! Ie bunt mien stad
En net toen’k doar wol bliem’n
Begon’t te kriebel’n in mien gat

Want zo geet dat met mien leam’n
A’k zing: Tres Fantastique
Dan wek: ut duurt nog eam’n
En dan trekt ut elastiek
As nun speer scheet ik noar hoes
Op de leste druppel diesel
En dan goddank, ik bun weer thoes
Met de hakken oaver ’n Iessel

Mag geern wat van de wereld zeen
Aait puf um vot te goan
Zo heb ik met de beide been’n
In Japan an zee estoan
De roes nit te beschriem’n
Fukushima mon Amour!
En net toen’k doar wol bliem’n
Was doar ut lief vol ongedoer

Want zo geet dat met mien leam’n
A’k zing: Tres Fantastique
Dan wek: ut duurt nog eam’n
En dan trekt ut elastiek
As nun speer scheet ik noar hoes
Op de leste druppel diesel
En dan goddank, ik bun weer thoes
Met de hakken oaver ’n Iessel

Op het dek van de Concordia
In de metro van Madrid
In de grotten van Bora Bora
Te lange blieven dee’k doar nit
Heb niks eleert van Amy Whinehouse
En nooit ejamt met Kurt Cobain
Heb d’r efkes noar stoan kiek’n
En toen ha’k ut wal ezeen
En ie maj’t dat provinciaals neum’n
Mar doar he’j mie echt nit met
Ut hef mie noe al nun keer of zeum’n
Van nun wisse dood ered

André Manuel, liedtekst Jazzerieje 2012 
Depen