Verhalen/gedichten van
Heino

Echt zie heurt bie mekander
Met zien beidn bint ze buutn
't Beste giet nog met die twee saam
As ze kiekt nao en komt van het Zuudn

Nient die is e bleem
Nander is van oons egaon
Jao van den lästen
Is ma een monument bliem staon

Jao echt heur zie heurt bie mekare
Want de mölle stiet met de kop naor de wind
Now low ma zeggn de wind is de moe
En de mölle det is zien kind

Vrogger ek ze zelf nog zien dreien
Dan waan ze ant maaln veur de boer
Met de zeiln reegln ze de gank van de wieke
Ma prompt stun ze stille as der dreign een schoer

Ooit waan ze in Heino met heur drieen
Lindeboom, Hooglugt en Kloosterman
't Was veur de boern een komm en gaon
Vake kwam ze der ok met 't Heinose niejs vandan

Bie de mölle daor was een sociale plekke
En met ut geld kon ze daor ok terechte
le kon der wat brengn en ie kon der wat haaln
Jao de goeie mulders det waan gien slechte

Ma de wind die is ter nog net as vrogger
Ma zien maot de mölle die is egaon
Daor is ter nog ma hier en daor iene
Noe as monument in ut land bliem stoan

Hulde an de mölle die maaln ut koorn tot maal
En ok an de wind die um jaagn in 't rond
De wind bleef ma de boern die pakn op
En die der nog bint die hebt ut maal van de Bond.

Derk van de Klippe
Uit: Omheining nr.2  Juni 2003